FTESË PËR PJESËMARRJE NË TAKIMIN KONSULTUES PËR PËRCAKTIMIN E FUSHAVE TË PËRPARËSIVE NË KUADËR TË THIRRJES SË PARË PUBLIKE PËR ORGANIZATAT E SHOQËRISË CIVILE NË BASHKINË PATOS.

Bashkia Patos në kuadër të bashkëpunimit me Programin Rajonal për Demokracinë Vendore në Ballkanin Perëndimor 2 (ReLOaD2), një iniciativë e financuar nga Bashkimi Evropian (BE) dhe e zbatuar nga Programi për Zhvillim i Kombeve të Bashkuara (PNUD), ka filluar procesin e përgatitjes së Thirrjes së Parë Publike për Organizatat e Shoqërisë Civile (OShC-të).

Hapi i parë i këtij procesi është konsultimi me OShC-të i tematikave që do të shërbejnë për të vendosur përparësitë e thirrjes. Për këtë qëllim, bazuar në dokumentet strategjike ekzistuese, Bashkia Patos ka përzgjedhur prioritetet më emergjente të cilat kanë nevojë të konsultohen dhe validohen në bashkëpunim me Organizatat e Shoqërisë Civile.

Të gjitha OShC-të e interesuara për t’u bërë pjesë e këtij procesi, janë të ftuara të marrin pjesë në konsultimin publik në përzgjedhjen e përparësive që do të organizohet në datë 04 Nëntor 2021, ora 14:00 në ambientet e Bashkisë Patos, Salla e Këshillit Bashkiak.

Më poshtë do të gjeni rendin e ditës dhe çështjet kryesore për diskutim:

– Prezantim i projektit ReLOaD2;

– Diskutimi / konsultimi i përparësive të propozuara për Thirrjen e parë publike për OShC-të në Bashkinë Patos, si vijon:

1- Përfshirja Sociale

1.1 Nxitja dhe fuqizimi i një rrjeti lokal të vajzave dhe grave në jetën sociale.

1.2 Aftësimi dhe integrimi i personave me aftësi të kufizuar në komunitet.

2- Emergjencat Civile – Hartimi i Planeve të Veprimit dhe ngritja e grupeve vullnetare dhe aftësimi i tyre.

3- Kultura dhe Turizmi

3.1 Promovimi dhe ruajtja e vlerave kulturore, historike dhe artistike në Bashkinë Patos.

3.2 Nxitja e qasjes së vajzave dhe grave në tregun e punës artizanale/ Panairi i ideve artizanale.

4- Mjedisi

4.1 Diferencimi i mbetjeve në burim, riciklimi dhe edukimi mjedisor.

4.2 Nxitja e nismave të gjelbra, krijimi i këndeve miqësore të gjelbra.

5- Bujqësia – Krijimi i rrjetit të fermerëve.

Ju ftojmë të merrni pjesë!

Për çdo informacion mund të na shkruani në adresën e email-it info@bashkiapatos.gov.al.

#BashkiaPatos

#ReLOaD2